A nova estación de buses de Vigo estará lista en marzo

Xa está todo listo para que en pouco máis dun mes rematen as obras da nova estación de autobuses de Vigo. Con todo, a Xunta apunta que seguen pendentes de que o Concello finalice os accesos necesarios para poder poñela en funcionamento.

A conselleira de infraestruturas, Ethel Vázquez, visitou as obras este venres e comentou que faltaría por rematar o acceso que ten que facer o concello, que non estaría ata listo de maio, polo que aínda que rematen as obras en marzo non se podería poñer en funcionamento a estación.

Ethel tamén lle reclama ao Goberno Central que acelere ao mes de xuño a chegada dos trens de Arbul cos que operará aquí a alta velocidade para aproveitar a temporada alta de verán.

"Temos que aproveitar ao máximo a temporada alta, sobre todo este doble Xacobeo histórico en Galicia, para sacarlle o máximo proveito e porque para os galegos non é o mesmo que a alta velocidade chegue en xuño que en setembro ou outubro", asegurou a conselleira de infraestruturas.