A OCU pide a suspensión inmediata de todos os impostos da enerxía

A OCU pon en marcha unha campaña para pedir a suspensión inmediata e temporal dos impostos que graban a electricidade, o gas e os carburantes. É unha iniciativa coa que pretende amortecer o impacto da escalada de prezos nas economías domésticas, agravada pola invasión de Ucraína.

A organización advirte de que a factura da luz de marzo dunha familia media pode superar os 175 euros cos prezos dos primeiros días do mes. 

O voceiro da OCU, Enrique López, cre que "non ten sentido" que o Estado sexa o principal beneficiario da escalada de prezos "polo aumento dos ingresos dos enormes impostos que soportan o gas, a electricidade e a gasolina".