A ocupación do encoro de Cecebre é case un 20 % inferior que hai un ano

Hai un ano, os niveis de ocupación do encoro de Cecebre superaban o 90 %. Actualmente, non chegan ao 75 %. 

Non hai risco de seca e o abastecemento está garantido, pero a Xunta comezou a facer un seguimento especial da situación do encoro, que nutre de auga 400.000 persoas da Coruña e da súa área metropolitana.

Nos últimos meses, Augas de Galicia detectou un incremento da demanda, que sempre é maior durante os meses de verán, especialmente nas zonas máis turísticas. O Goberno galego pídelles aos municipios, ás empresas e aos particulares que fagan un consumo responsable da auga.