A Policía Local de Lalín apela á colaboración cidadá para acabar cos condutores temerarios
A Policía Local de Lalín apela á colaboración cidadá para acabar cos condutores temerarios
Nas últimas semanas interpuxeron tres sancións por condución inadecuada
Coches circulando de forma temeraria e a moita velocidade pola casco urbano, aceleracións, derrapaxes e sobre todo moito ruído. Isto é co que conviven os veciños da rúa Chorón e da avenida da Estación de Lalín todas as fins de semana.
Ángel Rey, veciño desta rúa, di que pola súa rúa pasan "moitos coches de gama alta e moi potentes a moita velocidade".
Os que viven nesta zona levan tempo denunciando esta situación. Temen que un día suceda unha desgraza.
Ángel di que "un día van a atropelar alguén", lembra que a velocidade máxima nesta zona son 30 quilómetros por hora e que "pasan a velocidade desorbitadas".
A Policía Local de Lalín incrementou a vixilancia nestas dúas rúas para poñer freo aos condutores temerarios. Con todo, piden á cidadanía que denuncien este tipo de comportamentos e se é posible que apunten a matrícula do vehículo.
Nas últimas semanas os axentes municipais interpuxeron tres sancións por condución inadecuada. Recentemente tiveron que testificar nun xuízo contra un condutor temerario.
