A revolución Taylor Swift toma Madrid

"A vida non é agardar a que pase a tormenta, é aprender a bailar na chuvia". A firma de Taylor Swift no brazo dun dos seus máis ferventes seguidores, que a segue dende que a cantante era nena porque xa daquela intuía que ía ser moi grande.

Tan grande que, dous días antes do primeiro concerto en Madrid, unha recua de camións xa apuntaba ao Bernabéu. Había ringleiras para a mercadotecnia un día antes da actuación. Esta xira está considerada a máis rendible da historia.

E mércores. Chega o concerto. Outra das claves do éxito sideral da cantante é que crea comunidade. Así a longa espera non se fai longa. 

Ás portas do concerto había quen estaba tan preto e tan lonxe do concerto: un pai e unha filla chegaron de Valencia sen entrada, só para ver o ambiente. E quen podía ía entrando. Ante os nervios, non era xa momento de falar da influencia internacional da cantante na economía e na política. 

Uns 150.000 asistentes aos dous concertos. O do Bernabéu é unha proba máis de que Taylor Swift xoga noutra liga.