A sobreexposición nas redes sociais ten impacto directo na saúde mental
A sobreexposición nas redes sociais ten impacto directo na saúde mental
Oversharing é o termo para nomear a adicción a compartilo todo nos medios
Galicia é unha das comunidades que máis publica
"Todo o mundo sabe da vida de todo o mundo, empezamos a colgar pois eu estou aquí, de vacacións alá...", comenta unha rapaza.
Dedicamos de media 4 horas diarias a atender as redes sociais, e os galegos entre os que máis. A adicción a estas plataformas é un camiño directo aos problemas de saúde mental. Mostramos unha vida feliz que pouco ten que ver coa realidade.
"Normalmente só se comparten as cousas boas porque as malas...".
"Ao ver como tantas vidas perfectas pois ao final como que te comparas e dis, por que isto lle pasa a esta persoa e non me pasa a min?", apuntan outras.
"A mocidade de 16 a 30 anos son o colectivo máis vulnerable, pasan máis horas ao día nas redes sociais, recorren máis a elas para aliviar os seus problemas emocionais e reciben máis comentarios ofensivos nas súas publicacións", explica Ruth Castillo, experta en intelixencia emocional.
"Só se expón o bo e penso que iso afecta de cheo sobre todo á autoestima"
"Se esta influencer ten este tipo de corpo eu tamén o quero, entón entra a depresión, problemas ao mellor alimenticios...", indican dúas usuarias
"Sempre vai haber un comentario faltándolle ao respecto ou xulgando o que estás facendo porque o fai así ou porque non o fai así", di outra.
"Establecer límites nos tempos de uso, desactivar as notificacións ou priorizar o contacto presencial fronte aos amigos virtual son algúns consellos para un uso responsable da tecnoloxía dende a preadolescencia", conta a experta en intelixencia emocional.
