A cesta da compra básica custa 50 euros máis que hai cinco anos

Non se trata de encher o carro, pero si de comprar o preciso. O caso é que os cartos non renden o mesmo.

No 2019 unha cesta da compra básica con aceite, café, deterxente e galletas, entre outros produtos podíase adquirir por 100 euros. Hoxe necesitamos 150.

Apréciase en todo, así que a tendencia é recorrer ás marcas brancas do supermercado, ou ás ofertas.

A marca branca é a máis escollida en droguería e alimentación, pero noutros artigos o que determina a compra, segundo a empresa que fixo o estudo de mercado, é o envase ou o uso que se vai dar ao produto antes ca o prezo.