A tripla de Pirata non lle chegou ao Noia para gañar en Murcia (5-5)
A tripla de Pirata non lle chegou ao Noia para gañar en Murcia (5-5)
Partido con moitas alternativas que acabou decidíndose a 29 segundos do final co empate do cadro local
O Noia sacou un punto de moito mérito na pista do histórico El Pozo Murcia (5-5). Partido espectacular, sobre todo nun segundo tempo en que houbo moitas alternativas no xogo e goles.
O primeiro tempo acabou con empate a un. Marcou Rafa para os locais e empatou Nico Rosa a tres minutos para o descanso.
No segundo tempo empezou a recua de goles. Gadeia (2-1) e Pirata (2-2) abriron as hostilidades. Gadeia repetiu (3-2) pero Lluc e Pirata marcaron para poñer os galegos por diante por primeira vez (3-4) a tres minutos do final.
O El Pozo arriscou con porteiro xogador e volveu a ser Gadeia o encargado de empatar. Pirata non quería ser menos e marcou o terceiro da súa conta e a 29 segundos do final Taffy marcou o definitivo 5-5.
