A UE axudará a América Latina a fabricar as súas propias vacinas
A UE axudará a América Latina a fabricar as súas propias vacinas
Impulsada por España, a iniciativa pretende transferir tecnoloxía e mobilizar investimentos
Pedro Sánchez fala dunha nova relación entre a UE e a América Latina
A Unión Europea axudará a América Latina a fabricar as súas propias vacinas contra futuras pandemias. A iniciativa, impulsada por España, presentárona en Bruxelas o presidente do Goberno, Pedro Sánchez, e a presidenta da Comisión Europea, Ursula von der Leyen.
O acordo prevé compartir tecnoloxía e coñecemento, mobilizar investimentos privados e pactar regulacións comúns cos países da outra beira do Atlántico.
Pedro Sánchez cre que a iniciativa "é unha toma de conciencia europea das necesidades da América Latina e O Caribe, un exemplo máis da vontade que ten a Unión Europea de abrirse e reinventar a súa forma de relacionarse coa América Latina e co Caribe".