A Xunta anuncia axudas para compensar as mortes de vacas pola EHE

A Xunta anuncia axudas para os gandeiros afectados pola chamada covid das vacas. Unha enfermidade que vai gañando terreo e chega á provincia de Pontevedra, coa primeira morte en Vila de Cruces.

Galicia conta xa con 13 focos e unhas 700 reses con síntomas pendentes de confirmación. O conselleiro do Medio Rural insistiu en que é unha enfermidade de baixa afectación, e adiantou que haberá compensacións aos gandeiros para cubrir as perdas pola morte de vacas.