A Xunta defende que as competencias en galego están acreditadas

Na Xunta defenden que as competencias en galego no ámbito educativo están acreditadas, que os alumnos obteñen de media as mesmas notas en galego que en castelán.

O conselleiro de Cultura, nunha visita ao instituto Antonio Fraguas de Santiago, onde se estaban desenvolvendo as probas do Celga 4, admitiu, porén, que hai que fomentar o uso social do galego e mostrou a súa disposición a negociar as políticas que o impulsen.

José López Campos subliñou, no entanto, que a Xunta é contraria ao monolingüismo.

"Eses modelos xa existen noutras comunidades autónomas e os resultados non son mellores. Teño que dicir, aínda que a alguén lle custe entendelo -pero é certo- que Galicia é a comunidade autónoma con lingua cooficial que máis uso ten do seu idioma, máis que Cataluña, máis que o País Vasco", asegurou.