Ribadavia compite nun concurso de Nadal para ter unha iluminación dourada

Ribadavia pasa á semifinal nun concurso dunha coñecida marca de bombóns para competir por ter unha espectacular decoración de Nadal. Xa é semifinalista e foi unha das tres vilas máis votadas. Agora ten que loitar contra as localidades de Ágreda, en Soria, e Biar, en Alacante. Decidirao a votación popular na páxina web da marca. 

Ribadavia xa ten un toque dourado na ponte de San Francisco. Pero cada vez está máis cerca de ganar o famoso concurso de Nadal que lle permititía ter unha iluminación de ouro e tinguir todas as súas rúas de dourado.

Moita historia nas súas rúas, a auga do río Avia e as augas termais do Prexigueiro, xunto os recoñecidos viños do Ribeiro son algúns dos seus atractivos.

O concurso de Nadal está organizado por unha famosa marca de bombóns e ata o día 28 deste mes poden votar na súa páxina web para que Ribadavia sexa este ano a vila dourada.