A Xunta e 12 concellos da área de Vigo renovan o plan de transporte metropolitano

A Xunta e 12 concellos da área de Vigo renovaron o Plan de transporte interurbano durante dous anos máis, ata 2024.  Leva sete anos funcionando e inclúe bonificacións nos billetes e transbordos gratuítos. Ten unha subvención pública de 2,7 millóns, o 90 % achegado pola Xunta.

Dende o Goberno galego lamentan que o concello de Vigo sexa o único que non se sume a este plan de transporte. E que renuncie, así, a máis descontos para os usuarios que poderían chegar ata os 1.000 euros anuais.