A Xunta informa de dous posibles casos de hepatite aguda infantil de orixe descoñecida
A Xunta informa de dous posibles casos de hepatite aguda infantil de orixe descoñecida
Un deles pasou a enfermidade en xaneiro e o outro estase recuperando na actualidade
Detectados outros nove casos de hepatite infantil severa en Dinamarca, Irlanda e Países Baixos
![](https://img-g24-crtvg.flumotion.com/prog24/2022/20220414/colINVESTIGANCASOSHEPATITENENOSORIXEDESCONHECIDO_frame_1370.png)
A Consellería de Sanidade informou o Centro de Coordinación de Alertas e Emerxencias Sanitarias do Ministerio de Sanidade a detección de dous casos e hepatite aguda infantil de orixe descoñecida.
Os casos cumpren os criterios de inclusión determinados polo Ministerio e, unha vez remitida a información, será o organismo ministerial o encargado de facer as probas pertinentes. Un destes casos pasou a enfermidade no mes de xaneiro e o outro está pasando a enfermidade na actualidade.
Despois de recibir a alerta sanitaria por parte do Ministerio de Sanidade, a Dirección Xeral de Saúde Pública da Consellería de Sanidade informou do inicio dunha busca activa de casos, tamén con carácter retroactivo, de persoas ingresadas neste ano.
O sistema de vixilancia epidemiolóxica galego detectou o primeiro caso en xaneiro, cunha evolución positiva, e o outro caso actualmente activo, que tamén evoluciona favorablemente.
A Consellería de Sanidade sinala que permanece alerta na detección de casos.