Comezan os campamentos de verán da Xunta, que oferta 11.000 prazas

Comeza a temporada de campamentos de verán da Xunta. Tras a recollida de datos persoais e a despedida das familias, comezan dez días de actividades ao aire libre.

Os campamentos son unha opción que permite ás familias conciliar e á rapazada vivir experiencias que sen dúbida non esquecerá. No dos Chacotes, en Palas de Rei, participan 60 adolescentes de 12 a 14 anos.

Máis de 11.000 prazas oferta a Xunta este verán en campamentos, unha oportunidade para coñecer novas experiencias e amizades.