Absolto de agresión sexual a unha nena de 13 anos porque houbo consentimento e tiñan unha madurez similar
Absolto de agresión sexual a unha nena de 13 anos porque houbo consentimento e tiñan unha madurez similar
Absolto de agresión sexual a unha nena de 13 anos porque houbo consentimento e tiñan unha madurez similar
O acusado, de 19 anos, fora condenado a dous anos e tres meses de cárcere como autor dun delito continuado de agresión sexual a unha menor de 13 anos
O TSXG di que ambos realizaban actos de índole sexual "contando co consentimento da menor, e sen que mediase violencia ou intimidación"
![](https://img-g24-crtvg.flumotion.com/prog24/2023/20230329/TSXG.jpg)
O Tribunal Superior de Xustiza de Galicia (TSXG) estimou o recurso presentado pola defensa dun mozo, que en febreiro deste ano foi condenado a dous anos e tres meses de cárcere, como autor dun delito continuado de agresión sexual a unha menor de 13 anos, e revogou a sentenza condenatoria, absolvendo o procesado, ao considerar que os encontros sexuais coa moza foron consentidos por ela e que ambos tiñan un grao de madurez similar.
Así, o alto tribunal galego considera acreditado que, entre marzo e xullo de 2018, cando acusado tiña 19 anos e medio e a moza tiña 13 anos e 8 meses, producíronse varios encontros sexuais entre eles. Neses encontros, para os que o mozo recollía no seu coche a menor e levábaa a zonas apartadas, ambos realizaban actos de índole sexual "contando co consentimento da menor, e sen que mediase violencia ou intimidación". En marzo de 2019, a nai da moza denunciou os feitos.
O TSXG sinala na súa sentenza que debe partirse de "a realidade do consentimento e da existencia dun nivel de madurez practicamente idéntico". Ademais, subliña que "non hai indicio algún no relato de feitos probados que mostre un aproveitamento por parte do acusado da súa maior idade".
Descartado ese aproveitamento, a Sala sinala que o único que resta ponderar é a diferenza de idade entre ambos. Así, indica que, nese sentido, "desde a indeterminación normativa, non parece desviado do propósito do lexislador a consideración dun segmento de entre 5 e 6 anos de diferenza obstáculo para a apreciación da circunstancia que nos ocupa, máxime "tendo en cuenta o consentimento da menor e a similitude, próxima á total simetría, no parámetro de madurez".
Ademais, basea a súa absolución en que "non consta, de ningún xeito, a existencia dese prevalimiento, desa posición de superioridade que en certo xeito condicionase de maneira retorcida o comportamento da menor".
Por todo iso, o TSXG aplica o actual artigo 18 bis do Código penal, que se traduce nun pronunciamento absolutorio. Esta sentenza non é firme e cabe interpoñer recurso de casación ante o Tribunal Supremo.