Activado o aviso laranxa por fortes tormentas en zonas afectadas pola DINA
Activado o aviso laranxa por fortes tormentas en zonas afectadas pola DINA
A Aemet prevé acumulacións de ata 100 litros por metro cadrado en Murcia, Cataluña e na Comunidade Valenciana
Por mor da chuvia, limitouse este domingo o tránsito de persoas non residentes e voluntarias en once municipios valencianos
Aspecto dunha rúa de Utiel tras o paso da DINA. EFE/Álvaro Del Olmo
A Axencia Estatal de Meteoroloxía (Aemet) avisou este sábado pola noite da posibilidade de que este domingo se produzan tormentas moi fortes no Mediterráneo, polo que activou avisos laranxas en zonas de Murcia, Cataluña e na Comunidade Valenciana.
Segundo publicou a Aemet nas redes sociais, poderían acumularse ata 100 litros por metro cadrado en áreas xa afectadas polas inundacións do día 29 e pide precaución.
Onde se agarda máis choiva é no litoral e prelitoral sur de Tarragona, no interior norte e litoral norte de Castelló e no litoral norte e sur de Valencia. Na Veiga do Segura, na Rexión de Murcia, tamén pode chover ata 100 l/m².
Precisamente por mor da choiva prevista, limitouse este domingo o tránsito de persoas non residentes e voluntarias en once municipios de Valencia afectados pola DINA, xa que a nova choiva podería complicar a situación.
