Alerta en Cecebre pola escaseza de auga
Alerta en Cecebre pola escaseza de auga
O encoro atópase no 38 % da súa capacidade
Malia a chuvias destes últimos días e das que se agardan para o resto da semana, a ameaza de seca está aínda lonxe de desaparecer en Galicia. O encoro coruñés de Cecebre, por exemplo, que abastece a cidade da Coruña, amosa o nivel máis baixo en moito tempo. Atópase ao 38 por cento da súa capacidade.
Na zona contan que hai dous meses comezou a chamarlles a atención a velocidade á que baixaba a auga.
Hai que remontarse ao 2005 para atopar nos rexistros de Augas de Galicia un nivel tan baixo como o deste mes de outubro. Pero os veciños din que aínda o teñen visto máis baixo.
Preocupa tamén a situación na Conca do Miño-Sil que está ao 41,5 por cento da súa capacidade. Tamén no pantano de Galicia Costa que non chega nin á metade da súa ocupación.
Con esta situación, varios concellos xa emitiron bandos para concienciar sobre o aforro de auga.
Pendentes da evolución meteorolóxica, con previsión de chuvias para estes días, agardan que a situación mellore axiña.
