Alerta laranxa por temporal costeiro na Coruña e Pontevedra este venres

O litoral das provincias da Coruña e Pontevedra estará baixo alerta laranxa este venres por temporal costeiro. O 112 informou da situación aos concellos, deputacións, servizos provinciais e clubs náuticos, entre outros.

A Axencia Estatal de Meteoroloxía (AEMET) prevé un fenómeno meteorolóxico adverso que estará activo desde o mediodía deste venres no noroeste e oeste da Coruña, estendéndose pola tarde ao suroeste da costa coruñesa e ao litoral de Pontevedra por vento do sur ou suroeste de forza 8 e mar combinado do oeste ou noroeste con ondas de ata seis metros.

MeteoGalicia advirte tamén dun fenómeno meteorolóxico adverso por vento de nivel laranxa para o venres 24, con refachos de ata 80 km/h nas zonas da montaña de Ourense e da Mariña de Lugo. Nesta última zona tamén haberá temporal no mar, con ventos de forza 8 e ondas de máis de 5 metros.

Os concellos afectados, 15 da Mariña e 19 da montaña de Ourense, poden consultarse no mapa de zonas climáticas de MeteoGalicia. A Comisión Escolar de Alertas, que acordou suspender as actividades no exterior dos centros educativos situados nesas zonas durante o venres.

🟠🌊#Alertas112
Activa a precaución na costa da #Coruña e #Pontevedra por ondas de ata 6 metros e ventos intensos.
🔗https://t.co/g4phB2UqEE
🔻
🔻
🔻
Activa la precaución en la costa de #ACoruña y Pontevedra por olas de hasta 6 metros y vientos intensos. pic.twitter.com/Dyc2fMBIHs

— 112 Galicia (@112Galicia) January 23, 2025

Así mesmo, a Secretaría Xeral para ou Deporte da Consellería da Presidencia, Xustiza e Deportes anunciou a suspensión da actividade deportiva federada e as do programa Xogade que se realicen no exterior nestas zonas, así como a actividade deportiva federada no mar nos concellos afectados polo temporal costeiro.