Alumnos dun colexio de Zas recollen lixo na praia de Lagosteira, en Fisterra
Alumnos dun colexio de Zas recollen lixo na praia de Lagosteira, en Fisterra
Unha xornada de formación e coidado do medio organizado por axentes medioambientais da Xunta coa colaboración do Concello de Fisterra
Concienciar as novas xeracións da importancia de coidar do medio. Isto é o obxectivo das xornadas, organizadas por axentes ambientais da Xunta en colaboración co Concello de Fisterra, que este luns levou a alumnos do CEIP de Zas a facer unha recollida de lixo na praia da Lagosteira.
Unha formación medioambiental ao aire libre, nunha contorna idílico como é a praia da Lagosteira en Fisterra. "Intentar cambiar un pouco o concepto, pois non todo é sucidade na praia. Todo o que é materia orgánica está cumprindo unha función moi importante", explica Álvaro Martiáñez, axente ambiental.
Corenta e dous alumnos da ESO do CEIP de Zas foron os encargados esta mañá de recoller precisamente o lixo que contamina e afecta negativamente no medio.
Estas xornadas, amais de axudar a coidar o medio, tamén son unha oportunidade de realizar unha aprendizaxe práctica que esperta a curiosidade dos alumnos.
"Aínda que haxa moitos que a ciencia non lle interesa ou lle parece que hai que estudar moito, dánse conta que todos podemos facer ciencia e recollendo lixo, como neste caso, tamén", di María Vila, mestra de bioloxía do CEIP de Zas.
Un pequeno xesto que contribúe a preservar a biodiversidade mariña e o noso planeta, pois non hai planeta B.
