Álvaro Díaz-Mella será o candidato de Vox á presidencia da Xunta

O vigués Álvaro Díaz-Mella será o candidato de Vox á presidencia da Xunta de Galicia, a única comunidade autónoma onde o partido de Santiago Abascal non conta con representación. Fontes do partido confirmaron a candidatura de Díaz-Mella, que liderará a lista de Pontevedra, mentres que nas das tres provincias restantes irán como números un dúas mulleres e un home, cuxos nomes probablemente se coñecerán nas próximas horas.

O secretario xeral de Vox, Ignacio Garriga, viaxará este xoves a Santiago de Compostela, onde presidirá unha xornada de traballo con motivo das eleccións autonómicas do próximo 18 de febreiro.

Vox preséntase a estes comicios co obxectivo de conseguir entrar no Parlamento galego, para o que necesitaría dobrar a porcentaxe de votos do 2,5 por cento logrado fai catro anos. Pero ademais de lograr representación, segundo fontes do partido, os de Abascal queren ser decisivos na formación do novo Goberno da Xunta.