Ángel Suanzes: "Quero contar unha historia en cada poema"

Poemas que nos trasladan imaxes, historias e sentimentos. Versos que se erguen en estruturas e que penetran ata escascarnos.

Así é Os eucaliptos levan o lume dentro, o segundo poemario que nos presenta o xornalista e escritor Ángel Suanzes da man de Néspera Editora. Vanessa Rodríguez realizou o traballo de edición, creando formas na presentación dalgúns versos. As fotografías de Breixo Parcero, que poden narrar historias por si mesmas, van marcando tamén as diferentes etapas do libro.