Antía Chamosa, campioa de España e mellor marca europea do ano en 20 km marcha

A marchadora pontevedresa Antía Chamosa está a demostrar un nivel espectacular nestes primeiros meses de 2025. Conseguira hai unhas semanas o título nos 35 quilómetros na localidade de Marín e tamén dominou os 20 quilómetros cunha marca espectacular de 1 hora 27 minutos e 55 segundos. Sacoulle máis de dous minutos a Paula Juárez, prata, e 3:25 a Raquel González, que levou o bronce.

 Este rexistro de Chamosa é a quinta mellor marca española de todos os tempos, a quinta mellor marca mundial do ano e convértese na mellor marca europea da temporada nesta distancia. 

Con todos ustedes, Antía Chamosa ✨

🥇🥇 20km y 35km en el #CEmarcha y un marcón histórico de 1:27:55💥

Contentísima con su actuación y disfrutando con los suyos de todos sus éxitos pic.twitter.com/eN1JIbHh9d

— atletismoRFEA (@atletismoRFEA) March 30, 2025

Volveu ser unha xornada triunfal para a familia Chamosa, porque o seu irmán, Daniel, acadou o bronce na categoría absoluta masculina. Daniel Chamosa só foi superado por Álvaro López e Miguel Ángel López demostrando a súa progresión, porque quedou a 26 segundos do ouro e a 11 segundos da prata. 

Podio #CEmarcha 2️⃣0️⃣km 🚹

🥇 Álvaro López ⏱️ 1:21:23
🥈 Miguel Ángel López ⏱️ 1:21:38
🥉 Daniel Chamosa ⏱️ 1:21:49

📊 https://t.co/drAGRmZY9J
📺@LaLigaPlus pic.twitter.com/Y8D0Wuodkm

— atletismoRFEA (@atletismoRFEA) March 30, 2025