Aparecen as carabelas portuguesas nas praias da Coruña

As carabelas portuguesas chegan ás praias da Coruña. Se este venres se atopaba algunha na praia de Santo Amaro, esta fin de semana víronse unha ducia delas na do Matadoiro e tamén no Orzán.

En todo este mes de agosto a súa presenza está sendo frecuente, sobre todo na Mariña de Lugo, na Costa da Morte e en Ferrol. Así que era cuestión de tempo que chegasen aos areais da Coruña.

Xa saben, se ven unha eviten tocala porque os seus tentáculos son moi urticantes.