Arde un edificio abandonado en Narón, onde confirman que non hai vítimas
Arde un edificio abandonado en Narón, onde confirman que non hai vítimas
Os bombeiros aseguráronse de que non había ninguén no interior, logo de que os veciños da zona aseguraran que unha muller frecuentaba o edificio, aínda que había días que non a vían
Imaxe: Servizo de Prevención, Extinción de Incendios e Salvamento (SPEIS) de Narón
Os bombeiros de Narón extinguiron nas últimas horas un incendio que afectou un edificio abandonado na estrada de Castela, en Xubia, e tras os labores de limpeza e desentullo confirmaron que non se produciron vítimas.
O inmoble adoita estar frecuentado por unha muller, aínda que os veciños afirmaron que hai días que non a vían por alí. Con todo, os servizos de emerxencia quixeron confirmar que efectivamente non había ninguén no interior.
Segundo informou o CIAE 112 Galicia, o lume iniciouse pasada a medianoite e as lapas comezaron nun rocho, entre a planta menos un e a planta cero do edificio. Os traballos de extinción complicáronse debido a grande cantidade de lixo que había no interior.
Os servizos de Emerxencia mobilizaron os bombeiros de Narón, de Ferrol, Policía Local e Nacional. Os labores de extinción víronse complicadas pola gran cantidade de lixo e aveños acumulados no edificio.
