As cidades galegas aproban no cumprimento dos Obxectivos de Desenvolvemento Sostible

As sete grandes cidades galegas rozan o aprobado no cumprimento dos obxectivos de desenvolvemento sostible da ONU. É unha das conclusións do segundo Atlas urbano da sostibilidade, presentado na Fundación RIA.

O estudo conclúe que as urbes galegas destacaban pola xestión da calidade da auga e as políticas para prolongar a esperanza de vida.

A conselleira de Medio Ambiente animou as cidades a seguir avanzando nestes indicadores: "Dos 17 ODS que a ONU fixa como meta, a nivel galego somos superiores á media estatal. Nas cidades temos que convivir, e Galicia quere ser o gran refuxio climático de Europa", asegurou Ángeles Vázquez.