As lapas avanzan sen control tras arrasar máis de 4.000 hectáreas en Castelló e Teruel
As lapas avanzan sen control tras arrasar máis de 4.000 hectáreas en Castelló e Teruel
As faíscas dunha máquina rozadoira utilizada por unha brigada de limpeza estarían detrás da orixe do lume
A situación é crítica cun perímetro de 40 quilómetros desde que o lume pasou a un barranco de difícil acceso poñendo en perigo o Parque Natural da Serra de Espadán
O lume declarado este xoves na localidade castellonenca de Villanueva de Viver afecta xa 4.000 hectáreas de superficie nun perímetro de 40 quilómetros, segue activo e a evolución durante esta tarde "non foi positiva", posto que o incendio avanzou de forma "máis rápida" do previsto e a situación, por tanto, é agora "máis complicada".
O incendio está agora no barranco da Maimona, a zona que máis preocupa porque conta con moito combustible ante a grande cantidade de masa forestal, e aproxímase á estrada que comunica con Montanejo e Montán, como explicou a conselleira de Xustiza, Interior e Administración Pública da Generalitat valenciana, Gabriela Bravo no Posto de Mando Avanzado.
O rápido avance das lapas obrigou a retirar durante a noite algúns dos medios terrestres dado que "existía un gran risco para avida dos efectivos".
Causas
A Garda Civil investiga os feitos sobre distintas hipóteses e sobre se hai detrás algunha acción humana tras a orixe do incendio, pero aínda non hai conclusións claras.
Investigan se as faíscas xeradas por unha máquina rozadoira empregada por unha brigada de limpeza forestal de Villanueva de Viver está detrás da orixe do sinistro.
En canto ao operativo de extinción, os bombeiros da Deputación de Castelló dirixen os traballos, con máis de 450 efectivos de diferentes administracións públicas.
Este sábado a primeira hora reincorporáronse dos medios aéreos para loitar contra o incendio forestal.
Durante a noite os esforzos focalizaronse en ancorar nun punto na estrada entre Montanejos e Montán o lume, para cun "fogo técnico" intentar frealo no avance descontrolado.
