As mellores festas e festivais da primeira fin de semana de agosto

Festas tradicionais:

● O Albariño en Cambados. Unha das grandes festas do verán, na que ata este domingo non faltará o viño. Ademais contará cunha programación ateigada de actividades e música, con artistas como Bryant Myers, Recycled J e Hard GZ, entre outros.

● Romaría Vikinga de Catoira. Os viquingos comezarán a festa o venres, pero non será ata este domingo cando desembarquen para celebrar o seu día grande. Contará con concertos como os de Fillas de Cassandra e Rebeliom do Inframundo.

● Festas de María Pita na Coruña. Arrincan este xoves co pregón de Lucas Pérez e o concerto de Kate Ryan e estenderanse ao longo de todo o mes de agosto na cidade herculina. O venres serán os concertos de Mocedades e Los Panchos, e o sábado será a quenda de Los Planetas.

● Festas do verán de Ribeira. Durante toda a fin de semana haberá atraccións, espectáculos musicais como o Ribeira Urban Fest, verbenas, e o domingo representarase a batalla naval e botaranse fogos de artificio.

● Mostra da Olería de Buño. A localidade malpicá celebra a súa tradicional feira de artesanía entre o xoves 1 e o domingo 4 de agosto.

● Mostra Folclórica Internacional en Viveiro. Agrupacións de danza e música dos cinco continentes, reunidas entre o xoves 1 e o domingo 4 de agosto.

● Festival Folclórico do Emigrante en Barreiros. Unha agrupación de danza da Arxentina, unha de Casaquistán e outra galega, reunidas o sábado 3 de agosto.

● Festas do Carme de Lorbé. Verbena e gastronomía entre o xoves e o domingo nesta localidade do concello de Oleiros.

● Festa Hortera en Porto do Son. Música, fogos, carreiras de tacóns e moita diversión na festa dos anos 60, 70 e 80, entre o venres e o sábado.

● Festa do pemento da Arnoia. Festa gastronómica amenizada con verbena, DJ e outras actividades entre o venres e o domingo.

● Festas da Anunciada en Baiona. Entre o venres 2 e o luns 5 con verbenas todos os días. O sábado haberá procesión, a tradicional Danza das Espadas e fogos de artificio.

● Festa do Longueirón e Encontro Pirata en Fisterra. Para gozar desde molusco e do desembarco pirata, amenizada por discos móbiles, o sábado e o domingo.

● Festa do Pemento de Herbón en Padrón. A ocasión ideal para degustar estes pementos é o sábado 3 de agosto.

● Feira do Bonito de Burela. Festa gastronómica o sábado e o domingo na vila mariñeira.

● Romaría da Tortilla de Laro (Silleda). Festa gastronómica o sábado 3 de agosto.

Festivais:

● SonRías Baixas. Bueu acollerá entre o xoves 1 e o sábado 3 de agosto un festival con 25 artistas entre os que se atopan:

• La Oreja de Van Gogh, Álvaro de Luna, La La Love You, Rozalén, Tanxugueiras, Fillas de Cassandra, Rayden, The Rapants, Ginebras, Grande Amore, Sabela, etc.

● Reggaeton Beach Festival. Un dos festivais máis destacados dos últimos anos celébrase en Nigrán o sábado e o domingo.

• Anuel AA, Saiko, El Alfa, Ryan Castro, De La Ghetto, Nio García e máis artistas. 

● Concertos de Castrelos: Luz Casal actuará en Vigo o venres 2, e Aitana o farao o sábado 3 de agosto, de balde excepto na platea.

● Costa Feira. Fin de semana de concertos no festival de Sanxenxo coas actuacións de Mëstiza o venres e de Hombres G e Pavlenha o sábado.

● Festival de Pardiñas en Guitiriz. Sábado e domingo contará con mostras de artesanía e instrumentos musicais, ademais das actuacións de grupos e artistas como Ailá, Gwendal e Arouze, entre outros.

● Festival Mar Aberto en Muxía. Celebrarase fronte ao mar, no faro Punta da Barca, o venres 3 e o sábado 4 de agosto.

• Mercedes Peón, Mondra, Budiño, Zeltia Irevire, Señora DJ, e Rapariga DJ.