Un accidente de autobús no norte do Perú deixa polo menos 27 mortos
Un accidente de autobús no norte do Perú deixa polo menos 27 mortos
A fiscalía pide deter o conductor por un presunto delito de homicidio culposo
![](https://img-g24-crtvg.flumotion.com/prog24/2024/20240430/ACCIDENTEBUSPERU2_frame_2241.1714463799.81.png)
A Fiscalía do Perú informou este luns que subiron a 27 os falecidos no accidente dun autobús de pasaxeiros que caeu a noite do domingo a un abismo no departamento peruano de Cajamarca (norte), polo que solicitou a detención preliminar do condutor do vehículo.
A solicitude da detención en flagrancia "realízase debido a que o condutor sería o suposto autor dos delitos de homicidio culposo e lesións culposas, en agravio das vítimas do accidente automobilístico".
Ata o momento, as autoridades peruanas confirmaran 25 vítimas mortais e 15 feridos no accidente.
Un equipo de fiscais achegouse á zona do accidente para reunir información sobre as causas.
O autobús precipitouse por un abismo de 200 metros de profundidade e caeu ao leito do río Sendama ao seu paso polo municipio Celendín, un sector cunha xeografía complexa que dificulta o rescate.