Cargando resultados...
Atopan o corpo sen vida dun home na costa de Ortigueira
Atopan o corpo sen vida dun home na costa de Ortigueira
Un particular alertou ao atopar a súa embarcación baleira a 300 metros do peirao
Imaxe de arquivo dun helicóptero de rescate (EFE/Adriel Perdomo)
G24.gal
26/06/2024 19:29
Última actualización 26/06/2024 20:59
O helicóptero Pesca II atopou este mércores o corpo sen vida dun home desaparecido na costa de Ortigueira.
Un particular alertara da súa desaparición pouco antes das 5 da tarde ao ver a súa embarcación fondeada e baleira a uns 300 metros do peirao de Ortigueira.
O cadáver estaba preto da embarcación nunha zona de lama.
No operativo participaron Salvamento Marítimo de Fisterra, Servizo de Gardacostas de Galicia, Grupo acuático dos GES e Policía Local de Ortigueira, Garda Civil da Coruña e Agrupación de Voluntarios de Protección Civil de Ortigueira.
Polo de agora descoñécense máis circunstancias do suceso.
