Pecha Conxemar e comeza Conxetapas
Pecha Conxemar e comeza Conxetapas
Rematou a edición número 25 de Conxemar, pero o regusto desta feira internacional, que aglutinou 27 mil visitantes, pódese saborear estes días na zona vella de Vigo
Estamos a falar de Conxetapas, un concurso que pretende chegar a través da cociña ao consumidor final con exquisitos pratos onde o peixe conxelado é o protagonista
Esta tapa é Pan Bao de polbo á brasa. Na súa elaboración atopamos unha base de parmenteir de vitelotte e unha ensalada wakame para acompañar o seu produto estrela, o polbo a brasa.
Unha fusión de texturas e sabores cunha coidada elaboración que degustan e posteriormente puntúan os clientes destes establecementos.
Así é esta primeira edición de Conxetapas na que participan uns 20 establecementos da zona vella de Vigo. O mellor escaparate para coñecer as múltiples elaboracións do peixe conxelado. Esta por exemplo chámase calos de mar.
As tapas máis votadas terán premio, pero o máis importante deste concurso non son os votos. Eloy García, presidente de Conxemar.
Queremos chegar a ese consumidor final, ensinarlle o noso produto e que coñezan as múltiples elaboracións que se poden facer co peixe, rico e saudable.
Unha dieta saudable segundo a OMS debería contar tres inxestións de peixe á semana. En España este consumo está moi por debaixo sobre todo entre os mozos. Os motivos, o prezo e a súa elaboración. Un produto, con un senfín de especies, que poderemos atopar os 365 días do ano.
Ata o 20 de outubro poden desfrutar dunhas vinte elaboracións diferentes e saudables a cinco euros.
