Galicia é a comunidade que máis mellorou o rendemento académico en vinte anos

A mellora de Galicia nos últimos 20 anos en canto a persoas con estudos de Educación Secundaria Obrigatoria sitúa a nosa comunidade entre as mellores de España. Subliña tamén o conselleiro de Educación o auxe da formación profesional, sobre todo a dual, nos últimos anos.

Román Rodríguez asistiu en Lugo á presentación dun vehículo monopraza de Fórmula 3, adaptado polo alumnado do ciclo de automoción, da especialidade de vehículos de competición, do centro As Mercedes, un achegamento que se inicia en cursos coma este, único en España.