Aumentan os coidados faciais coa fin da obrigra do uso das máscaras

Buscan cores vivas para os beizos agora que se volven ver os sorrisos tamén en interiores. Aumentan os coidados faciais para recuperar a imaxe completa do rostro. Dende unha perfumería explican que cada vez venden máis pintalabios, especialmete vermellos.

Increméntase a demanda de tratamentos médico-estéticos. Da zona que cubría a máscara e tamén dos ollos.

Álvaro Velázquez Villoria, responsable de medicina estética e oculoplastia nunha clínica, explica que notaron un aumento da cirurxía de párpados e en xeral dos retoques faciais, tamén dos tratamento dos beizos con ácido hialurónico.

As barbas retoman protagonismo e recuperan coidados neste novo período en que as rutinas de coidado facial xa coinciden co tempo en que moitos xa se preparan para a tempada de verán.