Avanzan as obras para crear 76 prazas de albergue no mosteiro de Oseira
Avanzan as obras para crear 76 prazas de albergue no mosteiro de Oseira
32 camas xa están listas e trabállase para habilitar 44 máis
Refórzase a capacidade de acollida de peregrinos na Vía da Prata coa creación de 76 novas prazas no mosteiro de Oseira. Trinta e dúas prazas están xa rehabilitadas no antigo albergue e avanza a reforma das novas dependencias que permitirá a instalación de 44 camas máis.
O Goberno galego inviste un millón de euros nesta actuación que dará aos peregrinos a oportunidade de durmir nun Ben de Interese Cultural.
"Sentindo o espírito do que é ser peregrino e poder aloxarse como o facían séculos atrás outros peregrinos, podendo desfrutar das comodidades modernas. Oxalá puidésemos facer máis rehabilitacións coma esta e que os peregrinos poidan gozar dunha experiencia engadida ao que é o propio camiño", di Alfonso Rueda, vicepresidente primeiro da Xunta.
