Aviso laranxa por mar de fondo con ondas de ata oito metros en todo o litoral
Aviso laranxa por mar de fondo con ondas de ata oito metros en todo o litoral
Activado o aviso amarelo por choiva en varias zonas das provincias da Coruña e Pontevedra
Galicia segue con inestabilidade atmosférica na xornada deste sábado, de xeito que haberá chuvascos xeneralizados localmente acompañados de saraiba, que perderán frecuencia e intensidade co paso das horas.
A partir das seis da tarde, activouse o aviso amarelo en amplas zonas das provincias da Coruña e Pontevedra, sobre todo no interior, por acumulacións de choiva superiores aos 40 litros por metro cadrado en doce horas.
Durante a tarde achegouse unha fronte que deixará precipitacións en todo o territorio, segundo o prognóstico de Meteogalicia.
A cota de neve comezou nos 600-700 metros e subiu progresivamente a medida que avanzaban as horas. Nas montañas de Lugo e Ourense rexistráronse amoreamentos de ata quince centímetros.
As temperaturas mínimas non sufrirán cambios significativos e as máximas ascenderán de xeito moderado. O vento soprou do noroeste forte no litoral a primeiras horas, cambiando a suroeste a partir do mediodía.
No mar, a situación está a ser moi complicada con ondas por riba dos 8 metros no litoral norte e ata 7 metros no resto, polo que permanece activado o aviso laranxa en toda a costa por mar de fondo.
