Balance desigual no sector pirotécnico do primeiro verán sen restricións
Balance desigual no sector pirotécnico do primeiro verán sen restricións
No litoral, as empresas traballan ao 80 %, pero no interior padecen a afectación dos lumes forestais e das temperaturas extremas
Logo da cancelación de eventos que trouxo a pandemia, a incidencia dos incendios forestais está a dificultar o regreso ao traballo dalgunhas empresas pirotécnicas. Non obstante, para outras a situación xa é case de normalidade.
A recuperación do sector está en marcha co restablecemento da vida social, e calcularon xa que este verán a un 80 % do que o fixeron en 2019. Pero o balance da temporada non será o mesmo nas zonas máis afectadas polos incendios forestais.
O risco de incendios e a incidencia dos lumes son incompatibles co uso dos fogos de artificio e das bombas de palenque en terreos forestais ou de influencia forestal.
De aí que, coa chegada das temperaturas extremas, as pirotécnicas ourensás practicamente deixaron de traballar e unha interpretación restritiva da norma puxo en risco toda a actividade.
O balance da temporada nesta empresa familiar de Caldas cun século de antigüidade é, de momento, moi satisfactorio.
A recuperación das festas populares e o costume crecente de empregar fogos de artificio en celebracións privadas, como acontece nas vodas, levanta os números, sobre todo no litoral, dun sector que estivo dous anos parado.
