Bañistas de Cangas, en pé de guerra contra os paraventos
Bañistas de Cangas, en pé de guerra contra os paraventos
As queixas dos bañistas aumentan porque din que ocupan espazo e restan visibilidade
En praias como a de Areacova mesmo tivo que intervir a Policía Local
Cada vez imos con máis trastos a praia. En Cangas os bañistas están en pé de guerra contra os paraventos. Estes toldos de tea ancorados na area cuxa función é protexer do vento pero din os bañistas que tamén restan espazo e visibilidade.
"Estás ocupando unha zona en que outra xente pode poñer as súas toallas, hai que respectar"; di un bañista, outro engade: "nós vimos de Málaga alí non estamos acostumados a estes paraventos, e si molestan porque ocupan moito".
E van máis alá, aseguran que moitos os usan como separadores para delimitar a súa zona na area para ter máis privacidade. "Empezan a montar as tendas, cos aparellos eses, non estou de acordo", asegura este home.
Hai quen non os ve un problema. "É para o vento non creo que ocupe espazo"; di este bañista, estoutro cre que "cada un que faga o que queira sen molestar ao do lado".
En areais como o de Areacova mesmo tivo que intervir a Policía Local e moitos acabaron desinstalándoos.
