Beatriz Álvarez: "O Deportivo sempre tivo convicción no seu proxecto"
A presidenta da Liga feminina avanzou que non haberá campos de herba artificial e que Haberá implantación dun modelo similar ao VAR
Avecíñanse novidades na Liga feminina, segundo expuxo a presidenta da patronal nunha visita á Coruña. As primeiras veñen de camiño. A vindeira temporada non se admitirá a herba artificial na Liga F, que traballa tamén na introdución da videoarbitraxe
"Está pedida á FIFA unha proba. Non é o VAR pero podería corrixir e ser importante".
E nun par de anos podería cambiar o modelo de competición
"Facer un modelo atractivo e competitivo".
Na súa visita a Abegondo, Beatriz Alvarez gabou a aposta do Deportivo polo fútbol feminino.
"O Deportivo sempre tivo convicción no seu proxecto".
Por último, un par de datos máis: a Liga F medrou esta temporada un trece por cento en audiencia. Séguena por televisión uns douscentos mil espectadores por xornada e as xogadoras cobran unha media de 59.000 euros.
