Beiras considera un suicidio político que Podemos e Sumar non vaian xuntos ás eleccións

Xosé Manuel Beiras considera que sería un suicidio político que as forzas de esquerda non conseguiran ir xuntas ás eleccións xerais, como propón Yolanda Díaz.

Beiras advírtelle a Podemos que non está en condicións de esixirlle primarias a Díaz e que deberá ir en igualdade de condicións ca o resto de forzas que xa aceptaron ir en Sumar.

"Podemos non pode pretender chegar a un acordo con Yolanda Díaz sobre as primarias, porque Yolanda Díaz non ten dereito a facelo deixando na estacada os demais partidos que xa dixeron que si. Que pasa, que os outros son 'chicas gogó'? Ou acaban mal por asumir unha actitude suicida, sobre todo a dirección de Podemos, ou terán que chegar a un acordo", dixo o veterano político.