Betanzos vive un dos días grandes das súas festas coa primeira xira dos Caneiros
Betanzos vive un dos días grandes das súas festas coa primeira xira dos Caneiros
A navegación fluvial forma parte da singularidade da festa
Os Caneiros son unha xornada de reencontro. En familia ou con grupos de amigos compártense comida, conversas e bailes seguindo o curso do río Mandeo.
"Non é só unha festa. É como unha xuntanza con toda a veciñanza e como coñecer a xente que ao mellor levas sen ver cinco anos ou meses", apunta Rodrigo Campos, Representante Maior das Festas.
Unha festa que se vive tamén a bordo das embarcacións engalanadas para a ocasión.
A navegación fluvial forma parte da singularidade dos Caneiros, un dos días grandes da Cidade os Cabaleiros e este ano máis que nunca. E así o expresaba a alcaldesa María Barral ao sinalar que "por fin chegou. Amais, o tempo acompaña e estamos desexando chegar ao Campo dos Caneiros que, polo que me din, semella que hai moita xente".
E no campo impera a convivencia interxeracional dunha tradición que atrae a centos de persoas tamén de concellos da comarca.
Nin a chuvia das últimas horas da tarde puido coas ganas de festa. Dentro dunha semana máis coa segunda xira dos Caneiros. Será o vindeiro venres.
