Bo papel dun Cabo de Cruz que remata quinto

A Bandeira de Sestao na Liga ACT respondeu á habitual loita táctica entre as embarcacións por culpa da marea na desembocadura do Nervión. 

Cabo da Cruz tirou partido diso, como recoñecía Alfonso Díaz tras a regata. A embarcación galega gañou a súa quenda, a segunda, e quedou ben preto do cuarto posto que fuxiu por un só segundo.

Non fixo tan bo papel Samertolameu desde o carreiro dous. Rematou na última praza, a mesma que ocupa na Liga.

A Bandeira gañouna Urdaibai, a súa terceira, e é o novo líder da Liga. No segundo posto acabou Ziérbena.