Bronce de Melania Rodríguez e Santiago Brea no Mundial de Baku

A ximnasta ponteareá Melania Rodríguez volve coa medalla de bronce do Campionato do Mundo de Ximnasia Trampolín.

Melania Rodríguez subiu ao terceiro chanzo do podio na final de dobre minitramp tras asinar unha fantástica competición. Melania tamén se meteu na final de trampolín, modalidade na que aspira conseguir o billete olímpico para París.

No Mundial de Baku outro galego conquistou unha medalla de bronce. Foi Santiago Brea, formando parte do equipo español.