Buscan un atracador na comarca de Ferrol que cometeu tres asaltos en dez días
Buscan un atracador na comarca de Ferrol que cometeu tres asaltos en dez días
O ladrón emprega sempre o mesmo método
Preocupación na comarca de Ferrol. A Policía Nacional e a Garda Civil investigan unha serie de atracos en Narón e Fene que puido cometer a mesma persoa. Emprega sempre o mesmo método. Entra nun negocio, onde hai unha muller soa, e cunha arma branca ameázaa para que lle de o que hai na caixa.
Están a analizar as cámaras de seguridade para poder dar co delincuente. O primeiro roubo produciuse ao mediodía nunha panadaría de Narón. O home entrou coa máscara como calquera cliente.
Pediu unha barra de pan e tan pronto como a muller ía atendelo o atracador pasou o mostrador e sacando unhas tesoiras pediulle os cartos a muller, que asustada escapou a parte traseira, onde se encerrou, mentres pedía auxilio. Foi entón cando o home aproveitou para levar os 200 euros da caixa e fuxir.
Un dos empregados da gasolineira afirma: "Temos un taller aí ao lado, esperou a que pechase e así que cerrou e non viu ninguén na gasolineira cometeu o atraco".
O seguinte roubo foi a uns 300 metros, uns días despois, nunha estación de servizo e pola tarde. Co mesmo proceder. Home con máscara que ao entrar pon a capucha e acurrala a dependenta detrás do mostrador para que non poida escapar. Pide os cartos e ao non llos dar saca un coitelo. Entón a traballadora deulle uns 500 euros da caixa.
O empregado di que "o home díxolle que ía saír amodo tranquilo e que si quería cando marchara que chamara a policía. Saíu todo tranquilo e despois de saír pola porta comezou a correr rúa abaixo. Era un individuo, forte, alto, dun metro oitenta, sobre trinta ou corenta anos".
O terceiro delito polo que se investiga foi en Fene nunha gasolineira. As nove e media da noite, o atracador dirixiuse a pé cara ao interior da tenda e cando entrou puxo unha capucha. Dentro cun coitelo na man obrigou á empregada para entregarlle o diñeiro apoderándose duns 600 euros.
Neste caso sospeitan que puidese ter axuda doutra persoa que o estivese esperando nun coche. O atracador cometeu os tres asaltos nun período duns dez días.
.png)
