Cinco persoas, intoxicadas por un incendio nun piso en Ferrol

Tres persoas necesitaron ser evacuadas por un incendio declarado nun piso do barrio de Caranza, en Ferrol, aínda que en total foron cinco as persoas que resultaron intoxicadas. O incidente produciuse sobre as 2:45 horas deste luns nun inmoble situado no número 4 da avenida de Castelao.

Dos cinco afectados, dous deles recibiron asistencia no lugar dos feitos e as outras tres, unha muller e os seus fillos, dun e cinco anos, foron trasladados ao hospital.

Deste xeito, os xestores do 112 avisaron ao Servizo de Urxencias Sanitarias de Galicia-061, aos Bombeiros de Ferrrol, á Policía Nacional e á Local e á Agrupación de Voluntarios de Protección Civil de Ferrol.

Cando chegaron ao lugar os bombeiros de Ferrol o lume xa fora sufocado, dado que foi un pequeno incendio que se produciu cando ardeu un enchufe de plástico. Isto provocou unha importante fumareda, polo que os bombeiros comprobaron a situación e a ventilar o inmoble. Non foi necesario evacuar o edificio, nin os pisos da mesma planta onde se produciu este suceso.