CaixaBank gaña 3.145 millóns en 2022, un 39,8 % menos, polos efectos da fusión

CaixaBank gañou 3.145 millóns de euros en 2022, o cal supón un 39,8 % menos que en 2021 por mor dos efectos contables da fusión con Bankia. Nunha comunicación á CNMV, o supervisor bolsista español, o banco precisou que sen ter en conta estes impactos extraordinarios, o beneficio sería un 29,7 % superior ao de 2021 polo empuxe comercial da entidade e as sinerxias da fusión.

En 2021 a entidade gañou 5.226 millóns de euros pola achega positiva a efectos contables de 4.300 millóns do fondo negativo de comercio e outros resultados atípicos derivados da fusión con Bankia. Así mesmo, o banco deu a coñecer que pechou 2022, o ano en que culminou a integración con Bankia, cunha rendibilidade sobre recursos propios do 9,8 %, fronte ao 7,6 % de 2021.