O PP pechará o expediente aberto a Ayuso tras recibir a información solicitada

O Partido Popular pechará o expediente informativo aberto contra Isabel Díaz Ayuso, tras recibir as explicacións requiridas á Comunidade de Madrid sobre o contrato de emerxencia do que se beneficiou o irmán da dirixente.

Segundo fontes da dirección nacional do partido, Pablo Casado comunicoulle á presidenta madrileña que a información achegada polo Goberno autonómico incorporarase ao expediente aberto para "concluílo satisfactoriamente". Foi na xuntanza que mantiveron este venres na sede de Génova.

Fontes da cúpula do PP negan, con todo, que este paso se dea a cambio de "nada". Ademais, segundo as mesmas fontes, Casado negou ante a presidenta ter ordenado ningunha investigación sobre as actividades profesionais da súa contorna e advertiu que "emprenderá accións legais contra calquera persoa que afirme o contrario".