Cándido Carrera asina con Dani Sordo un inicio de campionato brillante

Acaba de volver de Portugal e mantén con Dani Sordo a regularidade no Campionato do Mundo de Rallys. O cántabro e o galego Cándido Carrera están habituados ao podio. En Portugal, no rally da casa para o copiloto de Salvaterra de Miño, lograron o segundo posto.

O copiloto percorre o mundo a carón de Dani Sordo. E dende esa posición privilexiada recoñece que o que máis lle gusta non está moi lonxe da súa casa en Salvaterra: o Rally de Cataluña.

Agora, están encantados co resultado en Portugal.

"É un magnífico segundo posto, loitamos todo o rally pola cabeza".

Un podio que tentarán repetir dentro de quince días, na próxima carreira, no Rally de Sardeña, onde o ano pasado foron terceiros.