Carlos Canal agarda converterse no especialista do Movistar nas probas dun día

O ciclismo galego sobe un chanzo coa fichaxe de Carlos Canal polo Movistar, un dos equipos máis potentes do panorama mundial, o quinto en orzamento e con protagonismo nas grandes voltas.

Con 22 anos Carlos Canal deixa o Euskaltel, onde medrou paseniño, e buscará o seu sitio nun grupo importante que se propón lucir tamén nas clásicas, cada vez máis atractivas.

Con dúas participacións na volta a España e premios á combatividade, ó limiao ábreselle unha oportunidade pero non intúe a onde o vai levar. Coa ilusión por diante hai un ciclista galego que quere ser protagonista do pelotón.