Carmen Touza "Estamos abrumados pola grande acollida e participación na carreira ENKI"

Na súa décima edición, a carreira ENKI segue batendo marcas e converténdose nun referente, non só das iniciativas solidarias, senón tamén do propio deporte en si.

Carmen Touza, presidenta desta asociación coruñesa, analizouno no Galicia en Goles deste venres.

"Estamos moi abraiados pola acollida e participación que teremos nesta carreira. Sobre as oito e media deste venres cubrimos esa meta dos quince mil inscritos. Somos a primeira carreira en Galicia e a sexta en España. Somos unha asociación que quere amosar a través do deporte que a inclusión fai máis feliz á sociedade. Xuntos sensibilizamos a inclusión. O cen por cento da recadación dedícase a ocio e deporte para a xente con discapacidade. Retamos dez padriños para conseguir eses quince mil inscritos".