Carrera e Ginzo, encantadas de poder xogar en Galicia coa selección española

A selección feminina de baloncesto xoga esta semana en Vigo amigables de preparación para o Eurobasket de Israel e Eslovenia, que terá lugar do 15 ao 25 de xuño.

Este xoves as de Miguel Méndez enfróntanse a Italia e o venres a China. Todos os partidos se disputarán no complexo deportivo das Travesas. Esta tarde asisitimos a un dos adestramentos nos que España prepara este torneo, as galegas Paula Ginzo e Raquel Carrera, ex-xogadora do Celta e actual campioa de Liga co Valencia, están felices de xogar na casa.